भैरहवा । रुपन्देहीमा जेनजी पुस्ताका प्रदर्शनकारीले राजनीतिक दलका कार्यालयहरूमा तोडफोड गरेका छन्। भैरहवास्थित नेपाली कांग्रेस जिल्ला पार्टी कार्यालय र बुटवलस्थित नेकपा (एमाले) जिल्ला पार्टी कार्यालयमा तोडफोड भएको छ ।
नेपाली कांग्रेसको पार्टी कार्यालयमा रहेका चारवटा कार र दुईवटा मोटरसाइकलमा पनि क्षति पुगेको छ। नेपाली कांग्रेस क्षेत्र नम्बर ३ का सभापति सुशील गुरुङका अनुसार पार्टी कार्यालयमा कार्यक्रमबारे छलफल भइरहेका बेला करिब १५० युवाले ढुंगा, इँटा र मुढा प्रहार गरी आक्रमण गरेका थिए। आक्रमणबाट पार्टी कार्यालयका झ्याल र पर्खालमा रहेका बत्तीहरू फुटेका छन् ।
नेपाली कांग्रेसका जिल्ला सभापति रामकृष्ण खाँणले यस घटनालाई सुनियोजित भन्दै पार्टी कार्यालयलाई लक्षित गरी आक्रमण गरिएको बताएका छन्। उनले आक्रमणकारी युवाहरूले कांग्रेस केन्द्रीय सदस्य तथा पूर्वगृहमन्त्री बालकृष्ण खाँणको मणिग्रामस्थित घरमा पनि तोडफोड गरेको र त्यहाँका ४-५ वटा झ्याल फुटाएको जानकारी दिए ।
