मर्चवार । मर्चवार लिफ्ट सिँचाई जल उपभोक्ता संस्थाको मूल समितिको अध्यक्षमा राजेन्द्र यादव विजयी भएका छन् । शनिबार (आजं) अध्यक्ष, सचिव तथा कोषाध्यक्षका लागि भएको निर्वाचनमा ६४ मत प्राप्त गरी अध्यक्षमा यादव विजयी भएका निर्वाचन अधिकृत विवेक साहले बताए ।
सचिवमा जगन्नाथ प्रसाद कुर्मीले ७५ मत र कोषाध्यक्षमा प्रभु यादवले ६८ मत ल्याएर विजयी भएको निर्वाचन अधिकृत साहले जानकारी दिए । अध्यक्ष पदका निकटतम नजिर अहमद मुसलमानले ६३ मत र फिरोज अहमद खाँले २ मत ल्याएका उनले बताए ।
साहका अनुसार सचिव पदका लागि उम्मेदवार अब्दुल सलाम मुसलमान ४६ मत, कोषाध्यक्ष पदका उम्मेदवार जनार्दन यादव ५४ मत ल्याएका छन् ।१ सय ३१ मत दाता रहेका निर्वाचनमा शतप्रतिशत मतदान भएको थियो । यसअघि संस्थाको उपाध्यक्षमा राम अवध मिश्र र महिला उपाध्यक्षमा मन्सा देवी गुप्ता निर्विरोध निर्वाचित भइसकेका छन् ।
