भैरहवा । सिद्धार्थनगर नगर पालिका वडा नम्बर ९ मा सिद्धार्थ टोल सुधार समिति गठन भएको छ । यो सहित वडा नम्बर ९ मा ७ वटा टोल सुधार समिति गठन भएको छ ।
नवगठित टोल सुधार समितिलाइ प्रमाणपत्र हस्तान्तरण गर्दै वडा नम्बर ९ का वडा अध्यक्ष शेषकान्त भण्डारीले समितिलाई आफ्नो उद्देश्य अनुसार काम गर्न आग्रह गरे । उनले अहिले सिद्धार्थनगर नगरपालिकाको अन्य वडाहरु मध्ये वडा नम्बर ९ मा मात्र टोल सुधार समितिको संख्या ७ वटा पुगेको बताउदै ९ नम्बर लाई सोही अनुसार नमूना वडा बनाउन सहयोग गर्न आग्रह गरे । “टोल सुधार समितिहरु भनेको वडाको पखेटा हुन् ।” भण्डारीले भने “वडाको विकासमा सबै हातेमालो गर्दै अगाडी बढौं।”
अर्जुन भुसालको अध्यक्षतमा सिद्धार्थ टोल सुधार समितिको तदर्थ समिति गठन भएको हो । यसको उपाध्यक्षमा सरस्वती नेपाल, सचिव चन्द्र बहादुर भण्डारी, कोषाध्यक्ष घनश्याम भुसाल, सह–सचिव लक्ष्मी ढकाल चयन भएका छन् । यस्तै सदस्यहरुमा गंगा पाण्डे, केशव तिवारी, गोपाल गौतम, राम प्रसाद पाण्डे, नर नारायण शर्मा, श्यामराज कुर्मी, बाबुराम खनाल र नारायण खनाल रहेका छन् । यस्तै खडानन्द अर्याल, विजय नेपाल, माया तुलाधर, जाय नारायण श्रेष्ठ, केश बहादुर विका, रविन्द्र काफ्ले र बालकृष्ण देवकोटा सल्लाहकारमा चयन भएका छन् ।
वडा अध्यक्ष शेषकान्त भण्डारीको प्रमुख आतिथ्यतामा सम्पन्न प्रमाणपत्र वितरण कार्यक्रममा वडा सदस्य बसुन्धरा शर्मा, बसन्त भट्टराई, युवराज बराल लगायतले बोलेका थिए । कार्यक्रमको सञ्चालन वडा सचिव अब्दुल रसिद पठानले गरेका थिए ।
