भैरहवा । राष्ट्रिय प्रजातन्त्र पार्टी (राप्रपा) कोटहीमाई गाउँपालिका–१, रुपन्देहीको वडा भेला सम्पन्न भएको छ । भेलाले मनोहर पासीको अध्यक्षतामा २१ सदस्यीय वडा कार्यसमिति सर्वसम्मत चयन गरेको छ ।
त्यस्तै सदस्यहरुमा धर्मेन्द्र हरिजन, अभिजित कुमार त्रिपाठी, राजु हरिजन, रामवेलास यादव, दिनबन्धु मल्लाह, भृगुदत्त त्रिपाठी, बाबुराम बारी, मुन्ना भर, त्रिलोकी भर, गणेश हरिजन, हरिकेश भर, मुन्नर लोहार, किस्मती बारी, सन्तोष शुक्ल, कपुरा तेली र अझाली हरिजन रहेका छन् ।
त्यस्तै पाँच सदस्यीय सल्लाहकार समिति समेत गठन गरिएको छ । सल्लाहकार समिति सदस्यमा लक्ष्मी नारायण मुराव, दुधई चमार, जोगिन्द्र प्रसाद शुक्ल, रबिन्द्र प्रसाद त्रिपाठी र ओमप्रकाश त्रिपाठी रहेका छन् । सोही कार्यक्रममा विभिन्न पार्टी परित्याग गरी १७ जना राप्रपामा प्रवेश गरेका थिए ।
लक्ष्मी नारायण मुरावको अध्यक्षता, राप्रपा रुपन्देहीका जिल्ला उपाध्यक्ष अजय कुमार गुप्ताको प्रमुख आतिथ्यता, क्षेत्र नम्बर ४ का क्षेत्रीय अध्यक्ष सद्दाम शाह, राष्ट्रिय प्रजातान्त्रिक विद्यार्थी संगठन, रुपन्देहीका जिल्ला अध्यक्ष चन्दन तिवारी लगायतको आतिथ्यतामा कार्यक्रम सम्पन्न भएको थियो ।
