भैरहवा । रूपन्देहीको भैरहवास्थित गौतम बुद्ध अन्तर्राष्ट्रिय विमानस्थल सुरक्षा कार्यालयले २०८३ साल भदौ महिनाको ‘उत्कृष्ट प्रहरी’ (बेस्ट पुलिस अफ द मन्थ) घोषणा गरेको छ । विमानस्थल सुरक्षा कार्यालयमा कार्यरत प्रहरी सहायक निरीक्षक गोमा के.सी. भदौ महिनाको उत्कृष्ट प्रहरी घोषित हुनुभएको हो । विमानस्थलको सुरक्षा व्यवस्थालाई मजबुत बनाउनुका साथै सुम्पिएको जिम्मेवारी इमान्दारी, लगनशीलता र उच्च कर्तव्यनिष्ठाका साथ सम्पादन गरेको कदरस्वरूप असई के.सी.लाई उत्कृष्ट प्रहरी चयन गरिएको सुरक्षा कार्यालयले जनाएको छ ।
उत्कृष्ट घोषित हुनुभएकी के.सी.लाई गौतम बुद्ध अन्तर्राष्ट्रिय विमानस्थल सुरक्षा कार्यालयका प्रमुख प्रहरी वरिष्ठ उपरीक्षक राकेश सिंहले एक समारोहबीच प्रशंसापत्रसहित पुरस्कार प्रदान गर्नुभयो । पुरस्कार वितरण गर्दै एसएसपी सिंहले यस किसिमको सम्मानले प्रहरी कर्मचारीहरूको कार्यसम्पादनमा थप हौसला र ऊर्जा मिल्ने विश्वास व्यक्त गर्नुभयो ।
