गुल्मी । जिल्ला प्रशासन कार्यालय गुल्मीले साप्ताहिक रुपमा गरेका कार्यहरुको विवरण सार्वजनिक गर्दै आएको छ । जिल्ला प्रशासन कार्यालय गुल्मीले शुक्रबार सार्वजनिक गरेको भदौको पहिलो हप्ताको विवरण अनुसार ८४ नयाँ नागरिकताको प्रमाण पत्र जारी गरिएको छ ।
१०५ नागरिकता प्रमाणपत्रको प्रतिलिपि वितरण गरिएको, ११ नाबालक परिचयपत्र वितरण गरिएको सहायक प्रमुख जिल्ला अधिकारी तथा सूचना अधिकारी हरिप्रसाद गैरेले जानकारी दिनुभयो । यस्तै १३९ वटा राहदानी आवेदन संकलन गरिएको, १४४ राहदानी वितरण गरिएको, २५३ राष्ट्रिय परिचय पत्रका लागि आवेदन संकलन गरिएको गैरेले जानकारी दिनुभयो ।
१५८ वटा राष्ट्रिय परिचय पत्र वितरण गरिएको, ७९ वटा दलित/जनजाति/पारिवारिक विवरण तथा अन्य प्रमाणित गरिएको र २ संस्था नविकरण गरिएको गैरेले जानकारी दिनुभयो । सोही अवधिमा ७ लाख ३२ हजार पाँच सय राजस्व संकलन भएको छ ।
जसमा सबैभन्दा धेरै राहदानीबाट रु.७ लाख २२ हजार पाँच सय र संस्था नविकरणबाट रु.१० हजार राजस्व संकलन भएको सहायक प्रजिअ गैरेले जानकारी दिनुभयो । जिल्ला प्रशासन कार्यालयबाट साप्ताहिक रुपमा गरेका कार्यहरुको आम नागरिकलाई जानकारी गराउने उद्देश्यले एक हप्तामा गरेका कार्यसम्पदानको विवरण सार्वजनिक गर्दै आएको गैरेको भनाई छ ।
