नवलपरासी । प्रहरीले लागुऔषध सहित एक जनालाई पक्राउ गरेको छ । पश्चिम नवलपरासी रामग्राम नगरपालिका वडा नम्बर ४ केरवानीबाट पाल्हीनन्दन गाउँपालिका ४ लोहरौली बस्ने बर्ष २१ का सागर गुप्तालाई पक्राउ गरिएको जिल्ला प्रहरी कार्यालय नवलपरासीले जानकारी दिएको छ ।
लु. ६४ प ३७८७ नम्बरको मोटरसाईकलमा सवार गुप्ताले बोकेको कालो झोलामा लुकाएर लागुऔषध ल्याउँदै गर्दा उनलाई पक्राउ गरिएको जिल्ला प्रहरी कार्यालयका सूचना अधिकारी एवं प्रहरी नायव निरिक्षक रेशम बोहराले जानकारी दिए ।
