भैरहवा । मर्चवारको बलात्कार घटनाकी पिडित किशोरीलाइ रुपन्देही प्रहरीले "भैरहवा-११" नाम दिएको छ ।
पिडितको पहिचान गोप्य राख्दै कार्यवाही प्रकृया सहज बनाउने उद्देश्य सहित प्रहरीले परिवर्तित नाम प्रयोग गर्ने गरेको छ । सोही क्रममा मर्चवारकी पिडितलाइ उक्त नाम दिइएको हो । जिल्ला प्रहरी कार्यालय रुपन्देहीका प्रवक्ता प्रहरी नायब उपरिक्षक मनोहर प्रसाद भट्टले पिडितको नाम "भैरहवा-११" दिइएको बताए ।
"भैरहवा-११" लाइ जबरजस्ती करणी गरेको आरोपमा प्रहरीले कोटहीमाइ गाउपालिकाका २ कर्मचारी सहित ३ जनालाइ पक्राउ गरि अनुसन्धान गरिरहेको छ ।
पक्राउ पर्नेमा कोटहीमाई गाउँपालिकाका शिक्षा शाखामा कार्यरत ३२ वर्षिय मनोहर चौधरी, गाउँपालिकाकै उद्यम विकास सहजकर्ता मुकेश चौधरी र वडा नम्बर ३ का वडा अध्यक्ष विष्णु नारायण पाण्डेका छोरा ३५ वर्षिय बंटी भन्ने शैलेश पाण्डे रहेका छन् ।
श्रोतका अनुसार मुकेशले पिडित किशोरीलाई तालीमको बहानामा होटलमा पुर्याएका थिए । त्यहा रातभरि अभियुक्तहरुले किशोरीको सामुहिक बलात्कार गरेका थिए । यस पछि मुकेशले नै युवतीलाई उनको घर नजिक छोडेका थिए । घटना भदौ ५ गतेको भए पनि घटना पछि किशोरीको स्वास्थ्य अवश्था बिग्रिएर अस्पताल गए पछि मात्र बाहिर आएको हो । अभियुक्त तिनै जनाले किशोरीलाई ज्यान मार्ने धम्की दिएको आफन्तको भनाई छ ।
