भैरहवा । रुपन्देही प्रहरीले जबरजस्ती करणी मुद्दामा फरार रहेका एक युवकलाई पक्राउ गरेको छ । पक्राउ पर्नेमा रुपन्देहीको मर्चवारी गाउँपालिका–५ बनियाडिहा बस्ने २१ वर्षीय दिलिप गौड रहेका छन् । गौडले गत २०८१ मंसिर ९ गते परिवर्तित नाम थर भैरहवा ३४ लाई जबरजस्ती करणी गरी फरार रहेको अभियोग छ ।
फरार रहेका गौडलाई इलाका प्रहरी कार्यालय मर्चवारबाट खटिएको प्रहरी टोलीले सोमबार मर्चवारी गाउँपालिका–३ सुरहवाबाट नियन्त्रणमा लिएको हो । पक्राउ परेका गौडमाथि थप अनुसन्धान भइरहेको जिल्ला प्रहरी कार्यालय रुपन्देहीका सूचना अधिकारी एवं प्रहरी नायव उपरीक्षक (डिएसपी) सुरज कार्कीले जानकारी दिए ।
