धनमाया कुमाल
परासी । नवलपरासीको रामग्रामबाट स्रोत नखुलेको साढे सोह् लाख नेपाली रकम सहित प्रहरीले १ जनालाई पक्राउ गरेको छ । पक्राउ पर्नेमा पाल्हिनन्दन गाउँपालिका वडा नम्बर २ हरपुरका ईमरान खान रहेको जिल्ला प्रहरी कार्यालयका सुचना अधिकारी डिएसपी रेशम बोहराले जानकारी दिनुभयो ।
प्रहरीका अनुसार खान लु ९० प ७८८५ नम्बरको मोटरसाईकलमा महेशपुरबाट परासी तर्फ आउदैँ गरेको अवस्थामा विशेष सुचनाको आधारमा रामग्राम वडा नम्बर ७ उजैनीबाट प्रहरीले नियन्त्रणमा लिएको हो । चेकजाचँ गर्ने क्रममा उनले बोकेको कालो झोलाबाट १ हजार दरको ७ सय थान र ५ सय दरको १९ सय थान गरी १६ लाख ५० हजार नेपाली रुपैया फेला परेको छ । घटनाको विषयमा थप अनुसन्धान भईरहेको छ । बरामद गरिएको रकम,मोटरसाईकल सहित खानलाई आवश्यक कारबाहीका लागि भैरहवा भन्सार कार्यालय पठाउने तयारी भईरहेको प्रहरीले जनाएको छ ।
