पाल्पा । पाल्पाको तिनाउ गाउँपालिका–३ पैठेडाँडास्थित सिद्धार्थ राजमार्गबाट प्रहरीले करिब ८५ हजार रुपैयाँ बराबरको भन्सार छलीका लत्ताकपडा नियन्त्रणमा लिएको छ। बुटवलबाट बागलुङको बेनीतर्फ जाँदै गरेको लु २ ख ६९७६ नम्बरको हाईस गाडीलाई प्रहरी चौकी दोभानबाट खटिएको चेकिङ टोलीले उक्त सामान बरामद गरेको हो। भन्सार छली ल्याइएका १०९ थान कुर्था र ५१ थान साडी गरी अन्दाजी ८५ हजार ४५० रुपैयाँ बराबरको कपडा फेला परेको जिल्ला प्रहरी कार्यालय पाल्पाका सूचना अधिकारी प्रहरी नायब उपरीक्षक भिमलाल भट्टराईले जानकारी दिनुभयो।
बुटवलबाट बेनीतर्फ लैजाँदै गरेको ८५ हजारको अवैध कपडा पाल्पामा बरामद
२ भाद्र २०८३, मङ्गलबार
