चापाकोट । चापाकोट नगर क्रिकेट संघले चापाकोट नगरपालिकाको संरक्षकत्वमा वडास्तरीय ड्युज क्रिकेट प्रतियोगिता आयोजना गर्ने भएको छ। खेलाडीको क्षमता विकास र नयाँ प्रतिभा पहिचान गर्ने उद्देश्यले यो प्रतियोगिता २०८२ साल असोज ३ गतेदेखि ११ गतेसम्म सञ्चालन हुनेछ ।
प्रतियोगिता चापाकोट-९ सुन्तलिटारस्थित गंगालाल माविको खेल मैदानमा हुनेछ। इच्छुक टिमहरूले भाद्र २७ गतेभित्र रु २०० दर्ता शुल्कसहित आफ्नो नाम दर्ता गराउन सक्नेछन् ।
प्रतियोगिताका मुख्य नियमहरू:
- खेल लिग प्रणालीमा खेलाइनेछ।
- खेल ड्युज बलले खेलाइनेछ।
- खेल आईसीसीको नियमानुसार २० ओभरको हुनेछ।
- प्रत्येक टिममा १४ खेलाडी र कोच/म्यानेजरसहित कुल १६ जनाको सहभागिता रहनेछ।
- विजेता टिमलाई नगद, शिल्ड, मेडल र प्रमाणपत्र प्रदान गरिनेछ।
थप जानकारीका लागि खेल संयोजक प्रकाश माझी (९७६६४५२६९८) लाई सम्पर्क गर्न सकिनेछ ।
