भैरहवा । जिल्ला प्रहरी कार्यालय रुपन्देही र मातहतका प्रहरी टोलीले विभिन्न स्थानमा गरेको चेकजाँचका क्रममा पुस ५ र ६ गते भन्सार छली चोरी पैठारी गरी ल्याइएका करिब ३ लाख १६ हजार रुपैयाँ बराबरका अवैध सामान बरामद गरेका छन्।
सिद्धार्थनगर-१ बसपार्कबाट १ लाख ६ हजार मूल्यका लेदर ज्याकेट र मोटरसाइकलका पार्टपुर्जा, तिलोत्तमा-९ मंगलापुरबाट १० हजार बराबरका खाद्यान्न सामग्री तथा रोहिणी-२ पिप्रहियाबाट १ लाख ४ हजार मूल्यको ओल्ड मंक मदिरा र युपी ५६ बी ९५९२ नम्बरको भारतीय मोटरसाइकल नियन्त्रणमा लिइएको छ । बरामद गरिएका सबै सामग्रीहरू आवश्यक कारबाहीका लागि भैरहवा भन्सार कार्यालय बेलहिया पठाइएको प्रहरी नायव उपरीक्षक एवं सूचना अधिकारी सुरज कार्कीले जानकारी दिनुभयो ।
