धकधई । रोहिणी गाउँपालिकाका निवर्तमान गाउँपालिका अध्यक्ष सनोज कुमार यादवले विद्यार्थीहरुलाई चिसोबाट जोगिन लागि न्यानो कपडा स्विटर वितरण गरेका छन् ।
गाउँपालिकाको वडा नम्बर ४ औरहवास्थित जन जनजागृति आधारभूत विद्यालयका ६४ जना विद्यार्थीलाई स्विटर वितरण गरिएको हो ।विद्यार्थीहरुलाई चिसोबाट जोगिन र चिसोको कारण जाडोयाममा विधालयबाट बञ्चित हुन नपरोस् भन्ने उद्देश्यले आफुले विधार्थीहरुलाई न्यानो कपडा स्विटर वितरण गरेको निर्वतमान अध्यक्ष यादवले बताए ।
कार्यक्रममा रोहिणी गाउँपालिका वडा नम्बर ४ का वडाअध्यक्ष तारानाथ यादव , विद्यालय प्रधानध्यपाक बाबुन्न गद्यी ,समाजसेवी इन्द्रजित राजभर, युवा नेता अजय राजपुत चौहान, अवधराम राजभर, शिक्षक बालकिशुन राजभर , विजय शर्मा लगायतको सहभागिता रहेको थियो ।
