परासी । नवलपरासी प्रहरीले पश्चिम नवलपरासीको रामग्राम नगरपालिका–५ स्थित वाईपास चोकबाट स्रोत नखुलेको रकम सहित दुई जनालाई पक्राउ गरेको छ ।
बुधबार पाल्हीनन्दन गाउँपालिका–२ भक्सिपुरका २२ वर्षीय सुख सागर यादव र प्रतापपुर गाउँपालिका–८ पिपरपातीका ३९ वर्षीय शिवेन्द्र प्रसाद बनियालाई १२ लाख रुपैयाँसहित पक्राउ गरिएको जिल्ला प्रहरी कार्यालय नवलपरासीका सूचना अधिकारी तथा प्रहरी निरीक्षक नारायण थापाले जानकारी दिए । पक्राउ परेका दुवैजना विरुद्ध नवलपरासी जिल्ला अदालतबाट म्याद थप गरि हुण्डी कारोबार सम्बन्धी कसुरमा अनुसन्धान भइरहेको प्रहरीले जनाएको छ ।
