अर्घाखाँची । क्रान्तिकारी कम्युनिस्ट पार्टी, नेपालले केन्द्रीय योजना अनुसार देशभर एकसाथ ‘जनसम्बन्ध विस्तार अभियान’ सुरु गरेको छ । अभियान अन्तर्गत ४ नम्बर ब्यूरोको उद्घाटन जिल्लाको भुमिकास्थान नगरपालिका र मालारानी गाउँपालिकाबाट गरिएको छ । क्रान्तिकारी कम्युनिस्ट पार्टी नेपालका स्थायी समिति सदस्य तथा टोली ४ नम्बरका प्रमुख हेमन्त प्रकाश वली सुर्देशनले औपचारिक रूपमा अभियानको शुभारम्भ गरे ।
उनले देश गम्भीर संकटमा फसेको, राजावादीहरुले टाउको उठाइरहेको,अर्थतन्त्र कमजोर बनेको र सरकार दलाल तथा भ्रष्टहरुको चाकरीमा मात्र सिमित रहेको आरोप लगाए । कार्यक्रममा पोलिटव्युरो सदस्य धनिश्वर पोखेल प्रेम सुवेदी , श्याम बहादुर बोहोरा , लाल बहादुर जाग्री ,कृष्ण केसि,नरेन्द्र थापा केन्द्रीय सदस्य हुकुम खड्का, नवीन खड्का, दिनेश थापा ,राजेन्द्र नेपाली लगायतका नेताहरूले मन्तव्य व्यक्त गरेका थिए । अभियान वैशाख १८ गते काठमाडौँ पुगेर समापन गरिने आयोजकले जनाएको छ ।
