रौतहट । पर्सा सशस्त्र प्रहरीले ट्रामोल ५० एमजी ट्रामाडोल हाईड्रोक्लोराईड नामक लागुऔषध बरामद गरेको छ । सशस्त्र प्रहरी बल नेपाल नम्बर १३ गण हेड क्वार्टर पर्साबाट खटिएको गस्ती टोलिले वीरगञ्ज महानगरपालिका वडा नम्बर २ स्थित भकुवा नाकाबाट ८१ हजार ४९० ट्याब्लेट बरामद गरेको हो ।
भारतबाट अवैध रूपमा टाउकोमा बोकेर नेपालतर्फ आइरहेका दुई जना व्यक्ति गस्ती टोलिलाई देख्नसाथ लागुऔषध छाडेर भागेको पर्साका सशस्त्र प्रहरी नायव उपरीक्षक देवेन्द्र बहादुर सिंहले बताए ।
फरार रहेका तस्करहरूको खोजी कार्य जारी रहेको उनको भनाइ छ ।बरामद गरिएको लागुऔषध आवश्यक कारबाहीका लागि जिल्ला प्रहरी कार्यालय पर्सामा बुझाइएको छ । यस घटनाका बारेमा आवश्यक अनुसन्धान भै रहेको पर्सा प्रहरीले जनाएको छ ।
