चन्द्रपुर । रौतहटको चन्द्रपुरमा करेन्ट लागेर गौर नगरपालिका-५ का पूर्ववडाध्यक्ष राम सोगारथ यादवको मृत्यु भएको छ। ४२ वर्षीय यादवको खेतमा पानी लगाउने क्रममा विद्युतीय मोटरको तारबाट करेन्ट लागेको थियो ।
जिल्ला प्रहरी कार्यालयका प्रवक्ता एवं प्रहरी नायब उपरीक्षक राजु कार्कीका अनुसार, करेन्ट लागेर गम्भीर घाइते भएका यादवलाई उपचारका लागि प्रादेशिक अस्पताल गौर लगिएको थियो। तर, अस्पताल पुर्याए लगत्तै चिकित्सकले उनलाई मृत घोषणा गरेका थिए । घटनाबारे थप अनुसन्धान भइरहेको प्रहरीले जनाएको छ।
