भैरहवा । जारी प्रधानमन्त्री कप पुरुष राष्ट्रिय क्रिकेट प्रतियोगितामा नेपाल पुलिस क्लबले गण्डकी प्रदेशलाई ७ विकेटले पराजित गरेको छ । यस संगै पुलिसले प्रतियोगितामा आफ्नो अपराजित यात्रा कायम राख्दै ६ खेलमा ६ जित निकालेको छ ।
९३ रनको झिनो लक्ष्य सहित मैदान छिरेको पुलिसले कप्तान दिपेन्द्र सिंह ऐरीको अर्धशतकको सहयोगमा १६ ओभरमै जित निकालेको छ । दिपेन्द्रले २३ बलमा ३ चौका र ६ छक्काको सहयोगमा ५४ रन बनाए । यस्तै अर्जुन साउदले अविजित १८ रन र दिलिपनाथले १० रन बनाए ।
बलिङमा गण्डकीका विपिन खत्री र सुवास भण्डारीले समान १/१ विकेट लिनुभयो ।
यस अघि गण्डकी प्रदेशले नेपाल पुलिस क्लबलाई मात्र ९३ रनको लक्ष्य दिएको थियो । भैरहवाको सिद्धार्थ क्रिकेट रङ्गशालामा टस जितेर ब्याटिङ गरेको गण्डकी पुलिसको बलरहरुको अगाडी निरिह देखिएको थियो । यद्दपी गण्डकीका अलराउण्डर अर्जुन कुमाल क्रिजको एक छेउमा जमे पनि अन्य ब्याट्सम्यानहरुको साथ पाउन सकेनन । अर्जुनले ६३ बल खेलेर ८ चौकाको सहयोगमा ४८ रन बनाए । यस्तै रोहित चन्द र सुवास भण्डारीले समान १० रन बनाउदा अन्य ब्याट्सम्यानहरु दोहोरो अंक समेत जोड्न सकेनन् ।
गण्डकीको टोलीलाई सस्तोमै समेट्न नेपाल पुलिस क्लबका ललित राजवंशीले ५ विकेट लिए । उनले ५.२ ओभरमा २ मेडेन सहित मात्र ७ रन खर्चिएर गण्डकीको मध्यक्रम भंग गर्न महत्वपूर्ण भूमिका खेले । यसै गरि गुलशन झाले ८ ओभरमा १ मेडेन सहित ४२ रन दिएर ४ विकेट लिए ।
प्रतियोगितामा ६ खेल खेलेको नेपाल पुलिस ६ वर्टमा जित किाल्दै १२ अंकका साथ प्रतियोगिताको अंक तालिकाको शिषए स्थानमै कायम रहेको छ भने ६ खेल नै खेलेको गण्डकी १ मा जित र ५ मा हार गरि २ अंक लिएर प्रतियोगिताको पुछारमा पुगेको छ ।
