मर्चवार । ईलाका प्रशासन कार्यालय मझगावाले मर्चवारको तिनवटै पालिकामा अनुगमन गरेको छ । व्यसयाय दर्ता, खाद्य पदार्थको गुणस्तर, उपभोग अवधि लगायतमा केन्द्रित रहि अनुगमन गरिएको कार्यालयले जनाएको छ ।
ईलाका प्रशासन कार्यालय मझगाँवाकी प्रमुख शोभा पाण्डे रायपुर, सेमरा, वडवलिया, असुरैना, मन्झरिया लगायतमा अनुगमन गरिएको जानकारी दिईन । उनले पहिलो म्याद नाघेका केही पसलका सामाग्री जफत गरिएको र पहिलो पटक भएकोले चेतवानी दिएर छोडेको बताईन ।
दक्षिणी क्षेत्रमा रहेको मर्चवारमा गरिएको अनुगमनले नागरिकहरुले पनि सकारात्मक रुपमा लिएको र यसलाई अब निरन्तरता दिईने उनले बताईन । अनुगमनमा ईलाका प्रशासन कार्यालयका शेर बहादुर केसी, रुकमान गिरी, राम ललित केवट, विजय कुमार यादव, प्रेम केवट, संदिप यादव, प्रहरी, पत्रकार लगायतको सहभागीता रहेको थियो ।
