परासी । पश्चिम नवलपरासी प्रहरीले एकै दिन २५ जना फरार अभियुक्तलाई पक्राउ गरेको छ । अदालतबाट मुद्दाको फैसला भएर कैद भुक्तान गर्न बाँकी रहेका अभियुक्त पक्राउ परेका हुन् । जिल्ला प्रहरी कार्यालय नवलपरासीका डीएसपी रेशम बोहराका अनुसार जिल्ला प्रहरी कार्यालय र मातहतका प्रहरी इकाइले अभियान नै चलाएर फरार अभियुक्त समातेको हो । पक्राउ परेकाहरुलाई कैद र सजाय भुक्तानीका लागि जिल्ला अदालत नवलपरासीमा पेस गरिएको छ ।
कुटपिट, सवारी ज्यान, जालसाझी,नाता कायम,गालि बेईजति, करकाप, जग्गा फितौला, लगायत मुद्दा रहेका अभियुक्त हुन् । उनीहरुबाट २ वर्ष ८ महिना ५ दिन कैद भुक्तान र २६ हजार ९ सय ४३रुपैयाँ जरिवाना असुल भएको छ । गत आर्थिक वर्षमा प्रहरीले ५ सय ९ जना फरार अभियुक्त पक्राउ गरेको थियो ।
