भैरहवा । वेष्टर्न क्रिकेट क्लबले भैरहवामा जारी ‘ड्रिम युनिक रुपन्देही सुपरलिग’ एक दिवसीय क्रिकेट प्रतियोगितामा बिहीबार भएकाे डिभिजन ‘ए’ अन्तर्गतकाे खेलमा जित हात पारेकाे छ । वेष्टर्नले जेआर क्रिकेट क्लबलाई ४ विकेटले पराजित गर्दै जित निकाल्न सफल भएकाे हाे ।
भैरहवास्थित सिद्धार्थ क्रिकेट मैदानमा टस जितेर ब्याटिङ गरेकाे जेआर निर्धारित ५० ओभरकाे खेलमा २९ ओभर २ बलमा १ सय १५ रनकाे न्यून स्काेरमै अलआउट भयाे । उसका लागि विशाल भुसालले २८ र खडक बाेहराले २३, डालबहादुर क्षेत्रीले २० र अनमाेल थापाले १९ रन बनाए पनि अन्य ब्याटर वेष्टर्नका बदरसामु निरीह बने । वेष्टर्नका अभिषेक गाैतमले ५, बिष्णु पाण्डेले ३ तथा मिर्नाल गुरुङ र सुप्रिम कँडेलले समान १-१ विकेट लिए ।
जवाफमा झिनाे याेगफल पछ्याएकाे वेष्टर्न २४ ओभर ५ बलमा ६ विकेट गुमाउँदै १ सय १८ रन बनाई सहजै जित हात पार्याे । उसकाे जितमा दीपेश राेकायलृ सर्वाधिक ४४ रन बनाउँदा सन्देश थापाले अविजित ३० रनकाे याेगदान दिए । बलिङमा जेआरका संदीप सुनारले ३, नरेन साउदले २ तथा प्रकाश जैशीले १ विकेट लिए । वेष्टर्नका अभिषेक गाैतम म्यान अफ द म्यााच भई एक हजार दुई सय रुपैयाँबाट पुरस्कृत भए ।
रुपन्देही क्रिकेट संघको आयोजना तथा ड्रिम युनिक कन्सलटेन्सी प्रालि, बुटवलको मुख्य प्रायोजनामा जारी प्रतियोगिताको विजेता टिमले १ लाख १ हजार र उपविजेताले ५० हजार १ रुपैयाँसहित ट्रफी, मेडल र प्रमाणपत्र पाउनेछन् । म्यान अफ द सिरिजलाई १५ हजार, बेष्ट ब्याटर, बेष्ट बलर र उदयीमान खेलाडीलाई जनही ५ हजारसहित ट्रफी र प्रमाणपत्र प्रदान गरिनेछ । यस्तै प्रत्येक खेलको म्यान अफ द म्याचलाई १ हजार २ सय रुपैयाँ दिइनेछ । प्रतियोगितामा आगामी वैशाख ४ गतेसम्म सञ्चालन संघका सदस्यसमेत रहेका प्रतियोगिता संयोजक प्रथम पराजुलीले जानकारी दिए ।
