तानसेन । पाल्पाको तानसेन नगरपालिका–७, प्रभासमा अवस्थित लुम्बिनी मेडिकल कलेजमा कानूनी सचेतना अभिवृद्धि कार्यक्रम सम्पन्न भएको छ। कलेजको सभाहलमा आयोजना गरिएको उक्त कार्यक्रममा चिकित्सक तथा एम.बि.बि.एस. तहमा अध्ययनरत विद्यार्थीहरुको उपस्थिति रहेको थियो।
कार्यक्रममा जिल्ला न्यायाधिवक्ता चुरामणी पराजुलीले कानूनी सचेतना सम्बन्धी प्रस्तुतीकरण दिनुभएको थियो। सो अवसरमा प्रमुख जिल्ला अधिकारी तोय नारायण सुवेदी, जिल्ला प्रहरी प्रमुख प्रहरी उपरीक्षक पवन कुमार भट्टराई, लुम्बिनी मेडिकल कलेजका संचालक निर्दोष खनाल र न्यायिक समिति सदस्य सविता भट्टराई लगायतको उपस्थिति रहेको थियो । कार्यक्रमले चिकित्सा पेशामा संलग्न तथा अध्ययनरत विद्यार्थीहरुलाई विभिन्न कानूनी प्रावधान र पक्षहरुको बारेमा जानकारी गराउने उद्देश्य राखेको थियो।
