कपिलवस्तु । कपिलवस्तुको यशोधरा गाउँपालिका वार्ड नं ७ मर्यादपुर सिमा नाका नजिकैको एउटा बगैँचाबाट २१८ बोरा भारतीय युरिया मल बेवारिसे अवस्थामा बरामद गरिएको छ । विशेष सूचनाको आधारमा सुठौली भन्सार कार्यालय र सशस्त्रको बीओपी डंगरीको संयुक्त टोलीले सो मल बरामद गरेको हो । भन्सार कार्यालयका प्रमुख किरण बिष्टले संयुक्त गस्ती टोलीले बगैँचामा छोपेर राखिएको अवस्थामा मल फेला पारेको जानकारी दिनुभयो । बरामद गरिएको मललाई भन्सार कार्यालयमा ल्याइएको छ।
मर्यादपुर सिमा नाका नजिकैको बगैँचाबाट ठूलो परिमाणमा भारतीय युरिया मल बरामद
२५ कार्तिक २०८२, मङ्गलबार
