नवलपरासी । सङ्घीय संसद् प्रतिनिधिसभा सदस्य नरेन्द्रकुमार गुप्ताले सर्वसाधारणमा उच्च शिक्षाको पहुँच पुर्याउन सामुदायिक क्याम्पसहरूको महत्वपूर्ण योगदान रहेको बताउनुभएको छ । महाकवि देवकोटा क्याम्पसको १६औँ सभालाई सम्बोधन गर्दै उहाँले शैक्षिक गुणस्तर सुधार, पूर्वाधार तथा यातायात सुविधा विस्तार र अतिक्रमित जग्गाको स्वामित्व क्याम्पसलाई दिलाउन पहल भइरहेको जानकारी दिनुभयो । उहाँले बीबीए सङ्कायमा नेपाल प्रथम हुन सफल क्याम्पसकी छात्रालाई बधाईसमेत दिनुभयो ।
सञ्चालक समितिका अध्यक्ष कृष्णप्रसाद लामिछानेको अध्यक्षतामा सम्पन्न सभामा क्याम्पस प्रमुख अनिलकुमार बस्नेतले आर्थिक वर्ष २०८२/८३ मा रु छ करोड ३९ लाख ५५ हजार आम्दानी र रु पाँच करोड ५५ लाख ७४ हजार खर्च भएको वार्षिक प्रतिवेदन प्रस्तुत गर्नुभयो । करिब एक हजार चार सय विद्यार्थी अध्ययनरत उक्त क्याम्पसको सभासँगै नयाँ नेतृत्व चयनका लागि अधिवेशनको प्रक्रियासमेत अघि बढाइएको छ ।