भैरहवा । रुपन्देहीको भैरहवामा खोलामा पौडी खेल्ने क्रममा डुबेर बिहिबार एक जना बालकको मृत्यु भएको छ । मृत्यु हुनेमा ओमसतिया गाउँपालिका वडा नम्बर ५ बस्ने १५ वर्षिय श्यामु गुप्ता रहेको प्रहरीले जनाएको छ ।
बिहिबार सिद्धार्थनगर नगर पालिका वडा नम्बर ९ गोनहियामा रहेको ड्याममा पौडी खेल्न गएका बालक करिब साढे ३ बजे डुबेका थिए । जिल्ला प्रहरी कार्यालय रुपन्देहीका सूचना अधिकारी सुरज कार्कीका अनुसार सोही दिन अबेर खबर भएकोले उद्दार र खोजी कार्य सम्भव नभएको हुदा शुक्रबार विहानै देखि खोजी सुरु गरिएको थियो । सुरुमा वडा प्रहरी कार्यालय भैरहवा र स्थानियहरुको संयुक्त टोलीले खोजी गरे पनि बेपत्ता बालकको भेटिएनन् ।
पछि शसस्त्र प्रहरी बल सीमा सुरक्षा कार्यालय २७ नम्बर गणका शसस्त्र प्रहरी निरिक्षक खड्क केसीको नेतृत्वमा खटिएको १० जनाको विपद् व्यवस्थापन टोलीले बालकलाई खोलाबाट मृत अवश्थामा फेला पारेको थियो । मृतक बालकको शवलाई पोष्टमार्टमको लागि भैरहवाको भिम अस्पतालमा पठाई यसबारे थप अनुसन्धान भईरहेको सूचना अधिकारी कार्कीले जानकारी दिए ।
