भैरहवा । रुपन्देहीको रोहिणी गाउँपालिकामा मोटरसाईकल दुर्घटनामा परि एक जनाको मृत्यु भएको छ । मृत्यु हुनेमा कपिलवस्तु जिल्लाको वाणगंगा नगरपालिका वडा नम्बर ३ बस्ने ३७ वर्षिय कृष्ण मुरली खनाल रहेको प्रहरीले जानकारी दिएको छ ।
जिल्ला प्रहरी कार्यालय रुपन्देहीका प्रवक्ता प्रहरी नायब उपरिक्षक सुरज कार्कीका अनुसार परासीबाट भैरहवा आउने क्रममा रोहिणी गाउँपालिका वडा नम्बर ३ को धकधई बजार नजिकै करिब ६ बजे दुर्घटना भएको हो । ना १ क १७५३ नम्बरको ट्रकलाई सोही दिशाबाट आउदै गरेको लु ८२ प २७५५ नम्बरको मोटरसाईकलले ओभरटेक गर्ने क्रममा दुर्घटना भएको थियो । दुर्घटनामा घाईते चालक खनाललाई उपचारको लागि भैरहवा स्थित युनिभर्सल कलेज अफ मेडिकल साईन्सेजमा पुर्याउदा अस्पतालले उनलाई मृत घोषित गरेको प्रहरी प्रवक्ता कार्कीले बताए ।
ट्रक चालक धादिङ्गको बल्छि गाउँपालिका वडा नम्बर ७ बस्ने ४० वर्षिय नवराज खतिवडा प्रहरी नियन्त्रणमा रहेको यसबारे थप अनुसन्धान भई रहेको कार्कीले बताए ।
