मर्चवार । सम्मरीमाई गाउँपालिका वडा नम्बर ६ ले आफ्नो वडाका जेष्ठ नागरिक तथा एकल महिलाहरुलाई कम्बल बितरण गरेको छ । बुधबार एक कार्यक्रमका बिच वडा नम्बर ६ मा आयोजित एक कार्यक्रमका बिच जेष्ठ नागरिक एवम एकल महिलाहरुलाई सम्मान स्वरुप कम्बल बितरण गरिएको हो ।
सो क्रममा वडामा बसोबास गर्ने ५०२ जना जेष्ठ नागरिक एवम १०४ जना एकल महिला गरि ६०६ जनालाई कम्बल बितरण गरिएको वडा नम्बर ६ का वडा अध्यक्ष तौलन केवटले जानकारी दिए । वडामा रहेका जेष्ठ नागरिक तथा एकल महिलाहरुलाई वडाकै कार्यक्रम अनुसार सम्मान गरि कम्बल बितरण गरिएको वडा अध्यक्ष केवटले बताए ।
वडा अध्यक्ष तौलन केवटको अध्यक्षता सम्मरीमाई गाउँपालिकाका प्रमुख प्रशासकिय अधिकृत राकेश कुमार चौधरीको प्रमुख आतिथ्यतामा सम्पन्न कार्यक्रममा वडा सदस्यहरु सावित्री हरिजन, सुमरमति यादव, प्रमोद मिश्रा, राम बहादुर चाई, गाउँपालिकाका बसन्तराम यादव लगायतले बोलेका थिए । बब्लु केवटको स्वागत एवम वडा सचिव मेघु धवलको सञ्चालनमा कार्यक्रम सम्पन्न भएको थियो ।
