धनगढी । कैलालीको घोडाघोडी नगरपालिका–८ मा शुक्रबार राति सुर्खेतका २८ वर्षीय केशरसिंह बुढाको घाँटी रेटेर बीभत्स हत्या गरिएको छ। जिल्ला प्रहरी कार्यालय, कैलालीका अनुसार घोडाघोडी गाउँपालिका–८ का १८ वर्षीय बलबहादुर विक र १९ वर्षीय गंगा बुढा क्षेत्रीले आपसी विवादका क्रममा पसलमा रक्सी खाने बेला धारिलो हतियार प्रयोग गरी बुढाको हत्या गरेका हुन्।
हत्यामा संलग्न विक र क्षेत्रीले बुढाको टाउको काटेर हतियारसहित घोडाघोडी नगरपालिका–३ स्थित अस्थायी प्रहरी पोस्टमा आत्मसमर्पण गरेका थिए। प्रहरीले उनीहरूलाई पक्राउ गरी घटनाबारे थप अनुसन्धान गरिरहेको छ।
