भैरहवा । रुपन्देहीको मायादेवी गाउँपालिका वडा नम्बर ८ स्थित बसडिलवा टोल विकास समितिले सरसफाई कार्यक्रम गरेको छ ।बसडिलवा टोललाई स्वच्छ, सफा र हराभरा बनाउने उद्देश्यसहित सरसफाई कार्यक्रम गरिएको बसडिलवा टोल विकास समितिका अध्यक्ष कुल प्रसाद काफ्लेले जानकारी दिए ।
शनिवार बिहान बसडिलवा टोलभित्र रहेका चोक, बाटो र त्यस आसपासका भित्री मार्गमा सरसफाइ गरिएको हो । सरसफाई कार्यक्रममा मायादेवी गाउँपालिकाका प्रवक्ता तथा वडा नं ८ का वडा अध्यक्ष चोक बहादुर थापा, टोल विकास समितिका पदाधिकारीसहित स्थानीयबासीको उत्साहजनक सहभागीता रहेको थियो ।
