मर्चवार । सम्मरीमाई गाउँपालिका वडा नम्बर ७ नौडिहवाका २० घर परिवारलाई सम्मरीमाई गाँउपालिकाका निर्वतमान अध्यक्ष जितेन्द्रनाथ शुक्ल (बब्लु)ले जनही ३ हजार आर्थिक सहयोग गरेका छन् ।
बैशाख १४ गते भएको आगोलागीमा नौडिहवाका २० घर प्रभावित भएका थिए । शुक्लले दिएको जानकारी अनुसार नागेन्द्र लोध, अशोक लोध, बैजनाथ लोध, जिलाजित लोध, बालजित लोध लगायत २० परिवारलाई सहयोग गरिएको हो ।
आगलागीबाट उनिहरुको कच्ची घरको साथै पक्की घरमा रहेको समेत अन्न, लत्ता कपडा लगायतका समान जलेका थिए । निर्वतमान पालिका अध्यक्ष शुक्लले अग्नी पिडितहरुलाई पालिकाबाटै राहत प्रदान गरिनुपर्ने माग राखेका छन् ।“तत्काल पिडितहरुको घर निर्माण देखि उनिहरुको दैनिक गुजाराको लागि पालिकाले जनही १ लाख ५० हजार रुपैया राहत प्रदान गर्न जोडदार माग गर्दछु” उनले भने “आगोलागी जस्ता समस्याको दिर्घकालीन समाधानको लागि दमकल खरिद गर्न पनि पालिकाले चासो देखाउनु प¥यो ।”
उनले पिडितहरुको समस्या प्रति स्थानिय सरकार जति तत्पर हुनु पर्ने हो, त्यति नभएको आरोप लगाए । आफुले राहत दिएर अन्य निकायसंग पनि राहतको लागि पहल गर्न उनले आग्रह गरे ।
शुक्लले यस अघि पनि सोही पालिकामा भएको आगलागी पिडितलाई राहत स्वरुप नगद प्रदान गरेका थिए ।
