लुम्बिनी । लुम्बिनी बौद्ध विश्वविद्यालयले चीनको नानकाई विश्वविद्यालय र मकाउ इन्टरनेशनल थिङ्कट्याङ्कको सहकार्यमा ‘हिमालयन रिसर्च इन्स्टिच्युट’ स्थापना गरेको छ । इन्स्टिच्युट स्थापनासम्बन्धी त्रिपक्षीय सम्झौतामा विश्वविद्यालयका उपकुलपति प्रा. डा. सुवर्णलाल बज्राचार्य र मकाउ थिङ्कट्याङ्कका अध्यक्ष प्राध्यापक स्वी हाओले हस्ताक्षर गर्नुभएको छ ।
नयाँ स्थापित इन्स्टिच्युटमार्फत हिमाली बौद्ध परम्परा, दर्शन, कला, संस्कृति र पुरातत्वको विषयमा संयुक्त अध्ययन, अनुसन्धान तथा प्रकाशन गरिनेछ। यो सहकार्यले नेपाल र चीनबीचको सम्बन्धलाई अझ प्रगाढ बनाउनुका साथै गुम्बा संस्कृति र प्राज्ञिक ज्ञानको प्रवर्द्धनमा महत्त्वपूर्ण भूमिका खेल्ने विश्वास लिइएको छ ।
