भैरहवा । पार्टीको पहिलो प्रदेश सम्मेलनमा बोल्न नपाएको भन्दै लोसपाका केन्द्रिय सदस्य महेन्द्र गुप्ता (प्रशान्त) ले बिरोध जनाएका थिए । पार्टीलाइ आवश्यक परेको बेला आफु जेलनेल गएको तर अहिले अरुको हालीमुहाली भएको उनले आरोप लगाए ।
मन्चमै बसेका गुप्ताले सुरुमा मन्चमा उठेर बिरोध जनाए । त्यसपछि मुखमा पट्टि बाधेका उनलाइ पार्टीका नेताहरुले बस्न आग्रह गरेका थिए । प्रदेश सभा सदस्य कन्हैया बनिया, गणेश पाल लगायतका नेताहरुलाइ उनलाइ बस्न आग्रह गरे पनि गुप्ताले मानेनन् । लोकतन्त्रमा बिरोध गर्न पाउनुपर्ने बताउदै उनि नबसे पछि केहि बेर कार्यक्रममा तनाव भएको थियो ।
पार्टीका केन्द्रीय वरिष्ठ उपाध्यक्ष अकबाल अहमद शाह बोल्दै गर्दा भएको बिवादका कारण मन्चमै प्रहरी पुगेको थियो । यसै क्रममा आयोजक एवम केन्द्रीय सदस्य बिच चर्काचर्की समेत भएको थियो ।
कार्यक्रममै भएको विवादले प्रमुख अतिथि समेत रहेका लोसपाका केन्द्रिय वरिष्ठ सह अध्यक्ष सर्वेन्द्रनाथ शुक्लले कार्यक्रम बिथोल्न भएको प्रयास भएको बताए । उनले पहिले देखि नै कार्यक्रम हुन नदिने प्रयास भै रहेको बताउदै कार्यकर्तालाइ बिखण्डनकारीसंग सावधान रहन आग्रह गरे । यद्द्पी यस क्रममा उनले विवाद गरेका प्रशान्त गुप्ताको नाम भने लिएनन ।
