अर्घाखाँची । अर्घाखाँचीको भूमिकास्थान नगरपालिका-६, असुरकोटमा आज दिउँसो एउटा जिप दुर्घटना हुँदा ८ जना यात्रु घाइते भएका छन् । सन्धिखर्कबाट असुरकोटतर्फ जाँदै गरेको लु १ ज १७०६ नम्बरको जिप ब्रेक फेल भई सडकबाट करिब डेढ सय मिटर तल खसेको जिल्ला प्रहरी कार्यालय अर्घाखाँचीले जनाएको छ ।
जिपमा कुल ११ जना यात्रु सवार रहेका थिए । दुर्घटनामा घाइते भएका सबै ८ जना यात्रुको अर्घाखाँची अस्पताल सन्धिखर्कमा उपचार भइरहेको प्रहरीले जानकारी दिएको छ । घटनास्थलमा प्रहरी पुगेर उद्धार कार्य गरेको थियो । दुर्घटनाको कारण र थप विवरणबारे प्रहरीले अनुसन्धान गरिरहेको छ ।
