मुख्य समाचार
अबैध सुनको कारोबार गर्ने मुख्य योजनाकार पक्राउ | जुनसुकै बेला प्राकृतिक विपद् आउन सक्छ सावधान अपनाउनुहोलाः गृहमन्त्री लेखक | सहकारीलाई व्यवसाय बनाएर दूरुपयोग गरियो : सभापति थापा | भारतले फोहोरमैला व्यवस्थापन र नदी प्रदूषण नियन्त्रणमा सहयोग गर्ने | भैरहवाबाट वीरगंज जाँदै गरेको बस दुर्घटना | मन्त्री आरजु राणा र भारतीय राजदूतबीचको भेटमा सीमा समस्याबारे चर्चा | पशुपतिमा एक महिनासम्म चल्ने कोटिहोम महायज्ञ शुरु | मन्थलीको सानीमदौलेमा ज्येष्ठ नागरिकलाई सम्मान | घुस लिएको आरोपममा दुई प्राविधिक अख्तियारको नियन्त्रणमा | ७५ प्रतिशत मात्र राजस्व संकलन, लक्ष्यमा पुग्न सकेन सरकार |
मुख्य समाचार
अबैध सुनको कारोबार गर्ने मुख्य योजनाकार पक्राउ | जुनसुकै बेला प्राकृतिक विपद् आउन सक्छ सावधान अपनाउनुहोलाः गृहमन्त्री लेखक | सहकारीलाई व्यवसाय बनाएर दूरुपयोग गरियो : सभापति थापा | भारतले फोहोरमैला व्यवस्थापन र नदी प्रदूषण नियन्त्रणमा सहयोग गर्ने | भैरहवाबाट वीरगंज जाँदै गरेको बस दुर्घटना | मन्त्री आरजु राणा र भारतीय राजदूतबीचको भेटमा सीमा समस्याबारे चर्चा | पशुपतिमा एक महिनासम्म चल्ने कोटिहोम महायज्ञ शुरु | मन्थलीको सानीमदौलेमा ज्येष्ठ नागरिकलाई सम्मान | घुस लिएको आरोपममा दुई प्राविधिक अख्तियारको नियन्त्रणमा | ७५ प्रतिशत मात्र राजस्व संकलन, लक्ष्यमा पुग्न सकेन सरकार |


पशुपतिमा कोटीहोम महायज्ञ पवित्र उद्देश्यका लागि हो : आयोजक

Ujyalosandeshonline 3451+ समाचार ( )
२५ आषाढ २०८१, मङ्गलबार

काठमाडौं । पशुपतिनाथ मन्दिर परिसरमा रहेको वनकालीमा आउँदो साउन १ गतेदेखि बृहत कोटिहोम महायज्ञको तयारी भइरहेको छ । तयारी र प्रचारका लागि सोमबार काठमाडौंमा ट्याक्सी र्याली समेत आयोजना गरियो । 

मानव सेवा फाउन्डेसनलगायत झण्डै एक दर्जन संघ–संस्थाको आयोजनामा साउन १ गतेदेखि एक महिनासम्म चल्ने कोटीहोम महायज्ञको प्रचारका लागि बृहत ट्याक्सी र्याली आयोजना गरिएको हो । 

आयोजक समितिका खेमराज रेग्मीले विषेषगरी कोटीहोम आश्रममा रहेका वालवालिकाहरुका लागि आफ्नो घरमा राख्नका लागी आयोजना गरिएको बताए । उनले ८२ भन्दा बढी वालवालिकाहरु मामाघर अनाथालय आश्रममा भाडाको घरमा बस्दै आएको जानकारी  दिए । 

उनले नेपाल न्युज बैंकसँग कुरा गर्दै भने, ‘संसारको सबैभन्दा ठुलो धर्म भनेको  मानव धर्म  हो र ठुलो सेवा नै मानव सेवा हो । मानव सेवा फाउन्डेसनले असाह्य बालबालिका लागि काम गरिरहेको छ । ललितपुरको गोदावरी नगरपालिका १४ मा रहेको मामाघर अनाथालय आश्रममा ८२ वालवालिका आमाबुबा विहीन अवस्थामा छन् र उनीहरुका लागि आश्रम व्यवस्थापनले अभिभावकको कर्तव्य निभाएको छ । तर अब आफ्नै घर निर्माण गरी सुविधा सम्पन्न रुपमा उनीहरुलाई बासको व्यवस्था गर्न हामीले यो कोटीहोमको भब्य तयारीमा लागेका हौं ।’

मामाघर अनाथालय आश्रम, ललितपुर र छोरीको घर ज्येष्ठ नागरिक आश्रम, भक्तपुरको भवन निर्माणलगायत मानवीय सेवाका लागि सहयोग जुटाउने उद्देश्यले महायज्ञ गर्न लागिएको आयोजकहरूले जनाएको छ ।  महायज्ञ अवधिभर जगद्गुरु, साधु, सन्त, महन्तका साथै ख्यातिप्राप्त कथा वाचकहरूबाट आशीर्वचन तथा कथा प्रवचन हुने आयोजकले जनाएको छ ।

साथै विश्व परिवेश वितृष्णामा रहेकाले मानिसहरू तनावमा रहेका बेला अध्यात्मक मार्गबाट जीवन बद्ल्न सकिने भएकाले आशीर्वचन तथा कथा प्रवचन कार्यक्रम राखिएको बताए । मन तथा जीवनको शान्तिका लागि पनि महायज्ञ कार्यक्रम गरिने  रेग्मीले बताए ।

यस्तै प्रदीपसिंह थापाले कोटीहोमका लागि यसअघि बृहत मोटरसाइकल र्याली गरिसकेको बताए । ट्याक्सी र्यालीपछि कलश यात्रा गर्न लागिएको उनले जनाए । यसैगरी थापाले नगरबासी सबैमा कार्यक्रममा सहभागी हुन आग्रह गरे ।

महायज्ञमा वाचन प्रवीण पण्डित दीनबन्धु पोखरेल, राधिका दासी, श्री राम कथावाचक चन्द्रकला सखी र श्रीमद्भागवतकी लोकप्रिय युवा कथा वाचिका देवी प्रतिभालगायतले कथावाचन गर्ने आयोजकले जनाएको छ । 

एकमहिने सो विराट ज्ञानमहायज्ञमा एक सय आठ पण्डितबाट विभिन्न पुराणको पाठ पारायण, वैदिक मन्त्रसहित अनवरत रूपमा नियमित हवन, पाँच हजार एक सय दिव्य कलश पूजन, चार बेद पाठ, ११ हजार बढी बालिकाको कन्या पूजन, हजारौंको तुलादान, २१ हजार बढी ज्येष्ठ नागरिकको सम्मान, तान्डुलाचल चामलको पर्वत निर्माणलगायतको कार्यक्रम पनि नियमित रूपमा सञ्चालन हुने फाउन्डेसनले जानकारी दिएको छ ।


प्रतिक्रिया

ताजा समाचार

सबै







ट्रेन्डिङ

सबै







सम्बन्धित समाचार