मुख्य समाचार
साढे चार लाखभन्दा बढी मूल्यको अवैध चराको प्वाख र मोटरसाइकलसहित चालक नियन्त्रणमा | छठ पर्वले सामाजिक एकता र सहअस्तित्वको भावना बलियो बनाउँछः मुख्यमन्त्री आचार्य | आज छठ पर्वको मुख्य दिन: साँझ अस्ताउँदो सूर्यलाई अर्घ्य दिइँदै | छठ पर्वलाई लक्षित गर्दै नेपाल–भारत सीमा क्षेत्रमा सुरक्षा व्यवस्था कडा | रास्वपा र सरकारबिच विवाद छैन : सभापति लामिछाने | गागलफेदीस्थित होमस्टेबाट जुवा खेलिरहेको अवस्थामा ३७ जना पक्राउ | छठ पर्वको दोस्रो दिन आज खरना मनाइँदै | रास्वपा सभापति रवि लामिछानेको तीनदिने जनकपुर भ्रमण तालिका सार्वजनिक | विश्व प्रहरी शिखर सम्मेलनमा सहभागी हुन गृहमन्त्री गुरुङ दुबई प्रस्थान | बल्खु–दक्षिणकाली–हेटौँडा सडक खण्डमा रात्रिकालीन सवारी सञ्चालनमा रोक |
मुख्य समाचार
साढे चार लाखभन्दा बढी मूल्यको अवैध चराको प्वाख र मोटरसाइकलसहित चालक नियन्त्रणमा | छठ पर्वले सामाजिक एकता र सहअस्तित्वको भावना बलियो बनाउँछः मुख्यमन्त्री आचार्य | आज छठ पर्वको मुख्य दिन: साँझ अस्ताउँदो सूर्यलाई अर्घ्य दिइँदै | छठ पर्वलाई लक्षित गर्दै नेपाल–भारत सीमा क्षेत्रमा सुरक्षा व्यवस्था कडा | रास्वपा र सरकारबिच विवाद छैन : सभापति लामिछाने | गागलफेदीस्थित होमस्टेबाट जुवा खेलिरहेको अवस्थामा ३७ जना पक्राउ | छठ पर्वको दोस्रो दिन आज खरना मनाइँदै | रास्वपा सभापति रवि लामिछानेको तीनदिने जनकपुर भ्रमण तालिका सार्वजनिक | विश्व प्रहरी शिखर सम्मेलनमा सहभागी हुन गृहमन्त्री गुरुङ दुबई प्रस्थान | बल्खु–दक्षिणकाली–हेटौँडा सडक खण्डमा रात्रिकालीन सवारी सञ्चालनमा रोक |


उच्च हिमाली क्षेत्रमा कात्तिक १५ गतेसम्म यात्रा नगर्न प्रशासनको आग्रह

Ujyalosandeshonline 12674+ समाचार ( )
१३ कार्तिक २०८२, बिहीबार

सङ्खुवासभा । सङ्खुवासभा जिल्लामा भइरहेको निरन्तर वर्षा र उच्च हिमाली क्षेत्रमा बाक्लो हिमपातका कारण जनजीवन प्रभावित भएको छ। जिल्ला प्रशासन कार्यालयले एक सूचना जारी गर्दै कात्तिक १५ गतेसम्म मकालु आधार शिविर लगायत उत्तरी हिमाली क्षेत्रका पर्यटकीय पदमार्गमा यात्रा नगर्न सर्वसाधारणलाई आग्रह गरेको छ।

प्रमुख जिल्ला अधिकारी सिर्जना थपलियाले जानकारी दिनुभए अनुसार मङ्गलबारदेखि मकालु आधार शिविरसहित उच्च हिमाली भेगमा वर्षा र हिमपात भइरहेकाले पर्यटकहरूलाई उच्च सतर्कता अपनाउन अनुरोध गरिएको छ। उहाँले निरन्तरको प्रतिकूल मौसमका कारण चिसो बढेको, खाद्यन्न तथा अन्य अत्यावश्यक सामग्रीको अभाव हुनसक्ने भएकाले पदयात्रा जोखिमपूर्ण हुने बताउनुभयो।

उत्तरी क्षेत्रको चार हजार मिटरभन्दा माथिका क्षेत्रमा निरन्तर हिमपात भइरहेको छ। प्रशासनका अनुसार हाल मकालु आधार शिविरमा करिब दुई सयभन्दा बढी पर्वतारोहीहरू छन्, जसमा सत्तरी जना विदेशी नागरिकसमेत रहेका छन्। जिल्लाको मकालु, सभापोखरी लगायत उच्च हिमाली भेगमा वर्षा र हिमपात जारी छ।

प्रशासनले वर्षाका कारण पहिरो जान सक्ने तथा सडक अवरुद्ध हुन सक्ने भएकाले अत्यावश्यक कामबाहेक यात्रा नगर्नसमेत सबैमा अनुरोध गरेको छ। पहिरोको जोखिममा रहेका परिवारलाई सचेत रहन आग्रह गर्दै प्रजिअ थपलियाले उच्च जोखिममा रहेका परिवारको स्थानान्तरणमा सहजीकरण गर्न जिल्लाका १० वटै स्थानीय तहका प्रमुख तथा जनप्रतिनिधिहरूलाई आग्रह गर्नुभएको छ। कुनै पनि बाढीपहिरोको जोखिम वा विपद्को सम्भावना देखिएमा तत्काल जिल्ला प्रहरी कार्यालय वा जिल्ला आपत्कालीन कार्यसञ्चालन केन्द्रमा जानकारी गराउन प्रशासनले अनुरोध गरेको छ।

प्रतिक्रिया

ताजा समाचार

सबै







ट्रेन्डिङ

सबै







सम्बन्धित समाचार