अर्घाखाँची । गणतन्त्रको रक्षा र प्रतिगमनविरुद्ध संघर्ष गर्नुपर्ने मुख्य नाराका साथ राष्ट्रिय जनमोर्चा जिल्ला समिति अर्घाखाँचीको आयोजनामा आज सन्धिखर्क–२, भक्तिटोला चोकमा एक सांकेतिक कोणसभा सम्पन्न भयो ।
कोणसभामा जिल्ला अध्यक्ष थम्मन केसीले सम्बोधन गर्दै २४० वर्षे राजतन्त्रको विरासत, हालको सत्ता गठबन्धनको भूमिका, र गणतन्त्रप्रति बढ्दो खतरा विषयमा धाराप्रवाह विचार व्यक्त गर्नुभयो ।
कार्यक्रमको सञ्चालन जिल्ला सचिव बाबुराम पन्थीले गर्नुभएको थियो । कार्यक्रममा राष्ट्रिय जनमोर्चाका नेता, विभिन्न जनवर्गीय संगठनका प्रतिनिधि तथा सर्वसाधारण नागरिकहरुको उल्लेख्य उपस्थिति देखिएको थियो ।
