भैरहवा । पछिल्लो समय नेपालका शैक्षिक संस्थाहरुमा ससदीय निर्वाचनको झल्को दिनेगरी विद्यालय व्यवस्थापन समितिको निर्वाचन भएको छ । दलीय राजनितिको आधारमा प्यानल खडा गरेर विद्यालय व्यवस्थापन समिति चयन गरिएको छ ।
रुपन्देहीको रोहिणी गाउँपालिका स्थित पोखरभिण्डी माध्यमिक विद्यालयको व्यवस्थापन समिति चयन गर्न दलीय राजनीतिको आधारमा प्यानल खडा गरिएको थियो । जनता समाजवादी पार्टी, नेपाल (जसपा) र राष्ट्रिय प्रजातन्त्र पार्टी (रापप्रा) र स्वतन्त्र गरी तीनवटा प्यानल चुनावी मैदानमा उत्रिएका थिए ।
जसमध्ये राष्ट्रिय प्रजातन्त्र पार्टी (रापप्रा) र स्वतन्त्र प्यानलका उम्मेदवारलाई जनता समाजवादी पार्टी, नेपाल (जसपा)को प्यानलले पराजित गरेको छ ।
जसपाको तर्फबाट उम्मेदवार बनेका निर्वाचनमा खुल्ला सदस्यमा शिव कुमार यादवले १३०, रिंकु हरिजनले १२७ तथा महिला सदस्यमा ममशिला कहाँरले १२५ र किरन भुज १२९ मत लिएर सदस्यमा निर्वाचित भए । निर्वाचनमा ३९४ जना मतदाता (अभिभावक) मध्ये ३५४ मत खसेको थियो ।
