भैरहवा । "सुन्दर, शान्त, समृद्ध गाउँपालिका" बनाउने लक्ष्यका साथ रूपन्देहीको ओमसतिया गाउँपालिकामा राष्ट्रिय सरसफाइ सप्ताह–२०८३ सुरु भएको छ। वैशाख २८ गतेदेखि जेठ १ गतेसम्म चल्ने यस अभियानको गाउँपालिकाका अध्यक्ष मन्जित कुमार यादव र उपाध्यक्ष सुनिता चौधरीले सामूहिक रूपमा सरसफाइ गरी उद्घाटन गर्नुभयो ।
हाटीफर्साटिकरस्थित गाउँ कार्यपालिकाको कार्यालयबाट सुरु भएको यस कार्यक्रममा पालिकाका विभिन्न शाखा प्रमुखहरू र नगर प्रहरीको सक्रिय सहभागिता रहेको थियो। गाउँपालिकालाई स्वच्छ र हराभरा बनाउने उद्देश्यले आयोजित यो साताव्यापी अभियान अन्तर्गत विभिन्न सार्वजनिक स्थलहरूको सरसफाइ र जनचेतनामूलक कार्यहरू गरिने पालिकाले जनाएको छ।
