भैरहवा । जेन-जेड रुपन्देही, नेपालले सिद्धार्थनगर नगरपालिकामा २२ वर्षीय आयुष तिमिल्सिनाको संयोजकत्वमा १३ सदस्यीय नगर समिति गठन गरेको छ। भैरहवामा सम्पन्न भेलाले नवराज भण्डारी र सुवेक्षा न्यौपानेलाई सह-संयोजक, सविता पन्थीलाई सचिव, पुनिसा भण्डारीलाई कोषाध्यक्ष, गौरव अग्रहरीलाई सह-सचिव र विधान विश्वकर्मालाई सह-कोषाध्यक्षमा चयन गरेको छ ।
समितिका सदस्यहरूमा सिमोन गुरुङ, अभिषेक श्रीवास्तव, मंयक अधिकारी, अन्जली न्यौपाने, सुलोचना अर्याल र शिवनाथ कुवर रहेका छन्। भेलाले विजय सागर श्रेष्ठ, नारायण प्रसाद भण्डारी, ओम पौडेल, रामचन्द्र रेग्मी, सुमन न्यौपाने, लक्ष्मी अधिकारी र बी.एन. गुप्ता सम्मिलित ७ सदस्यीय सल्लाहकार समिति पनि चयन गरेको छ। केही सदस्य र सल्लाहकारहरू पछि मनोनित गरिने सल्लाहकार नारायण प्रसाद भण्डारीले जानकारी दिए।
जेन-जेड रुपन्देहीका जिल्ला सह-संयोजक विवेक पाण्डेको अध्यक्षतामा सम्पन्न कार्यक्रममा नागरिक अगुवा, साहित्यकार तथा समाजसेवी विजय गोविन्द श्रेष्ठ प्रमुख अतिथि रहेका थिए। कार्यक्रमको सञ्चालन जेन-जेड रुपन्देहीका सचिव सुरज पोखरेलले गरेका थिए।
