लुम्बिनी । श्रीलंकाका पूर्व राष्ट्रपती तथा पूर्व प्रधानमन्त्री रनिल विक्रमासिंघेले आईतबार शाक्यवंशिय राजधानी प्राचिन कपिलबस्तुको तिलौराकोट भ्रमण गरेका छन् । शनिबार बुद्धजन्मस्थल लुम्बिनीको भ्रमण गरेका बिक्रमासिंघेले दोस्रो दिन गौतमबुद्धको गृहनगर तिलौराकोट क्षेत्रको भ्रमण गरेका हुन् । पूर्वराष्ट्रपती विक्रमसिंघेलाई लुम्बिनी विकास कोषका सुरक्षा प्रमुख खगेन्द्र काफ्ले, कपिलबस्तु शाखा प्रमुख माधव आचार्यले तिलौराकोटमा स्वागत गरे ।
परिवारसहित लुम्बिनी भ्रमणमा आएका विक्रमासिंघे तिलौराकोट हेलिकप्टर मार्फत पुगेका थिए । श्रीलंका बुद्धिष्ट राष्ट्र भएकाले सिद्धार्थ गौतमले २९ बर्ष बिताएको प्राचिन कपिलबस्तु राज्यको दरबारक्षेत्र तिलौराकोटको भ्रमणमा पूर्वराष्ट्रपती बिक्रमासिंघले चासो रोखका थिए । उक्त अवसरमा बृहत्तर लुम्बिनी क्षेत्रका बारेमा सूचना शाखाका विकास लामाले विफ्रिङ गरेका थिए । बिक्रमासिंघे श्रीलकाका नवौं राष्ट्रपती र दसौं प्रधानमन्त्री हुन् । उनी ६ पटकसम्म प्रधानमन्त्री बनेका थिए ।
