भैरहवा । मुस्लिम समुदायको जायज मागहरु पुरा गराउने उद्देश्य सहित ओल्मा काउन्सिल, रुपन्देहीको आयोजनामा भैरहवामा तालीमी बेदारी वा तहफ्फुजे हकुके मुस्लिम सम्मेलनको आयोजना हुने भएको छ ।
कार्तिक ३ गते भैरहवाको मिडटाउन पार्टी प्यालेसमा आयोजना हुने मुस्लिम सम्मेलनको उद्देश्य मुस्लिमहरुको जायज माग पुरा गराउनुको साथै उनिहरुको हक अधिकार सुनिश्चित गर्ने, प्रदेश हज हाउस र गौतमबुद्ध अन्र्तराष्ट्रिय विमानस्थलबाट नै हज गर्न जान पाउने व्यवस्था मिलाउने रहेको छ ।
कार्यक्रमको उद्घाटन लुम्बिनी प्रदेशका मूख्यमन्त्री चेतनारायण आचार्यले गर्ने ओल्मा काउन्सिल रुपन्देहीका अध्यक्ष मौलाना अब्दुल नबी भाटले जानकारी दिए । उनले कार्यक्रममा प्रतिनिधि सभा सदस्य सेराज अहमद फारुखी, लुम्बिनी प्रदेशका भौतिक पूर्वाधार विकास मन्त्री भूमिश्वर ढकाल, उप सभामुख मेनुका खाण केसी लगायत आउने तय भएको जनाए ।
मुस्लिम अगुवाहरु सहित अन्य विशिष्ट ब्यक्तिहरु सहभागी हुने सम्मेलनमा सहभागी हुन ओल्मा काउन्सिल, रुपन्देहीले अपिल गरेको छ ।
