सिरहा । सिरहाको भगवानपुर गाउँपालिका-२ स्थित बलान नदीको किनार क्षेत्रबाट सशस्त्र प्रहरीले ठूलो परिमाणमा गाँजा बरामद गरेको छ। गोप्य सूचनाका आधारमा खटिएको सशस्त्र प्रहरीको टोलीले ९ वटा बोरामा रहेको २ सय १९ किलो ४ सय ग्राम गाँजा बरामद गरेको हो।
सशस्त्र प्रहरी सिरहाका एसपी नरेश भण्डारीका अनुसार, बरामद गरिएको गाँजाको बजार मूल्य निकै उच्च रहेको अनुमान गरिएको छ। यस घटनामा संलग्न व्यक्ति वा समूहको पहिचान तथा खोजी कार्य भइरहेको प्रहरीले जनाएको छ। नदी किनारको दुर्गम क्षेत्रलाई तस्करहरूले गाँजा भण्डारण र ओसारपसारको लागि प्रयोग गर्दै आएको हुनसक्ने प्रहरीको अनुमान छ।
