काठमाडौं । नेपालले पहिलो महिला महान्यायाधिवक्ता पाएको छ । वरिष्ठ अधिवक्ता सविता भण्डारी बराललाई महान्यायाधिवक्तामा नियुक्त गरिएको छ । प्रधानमन्त्री सुशीला कार्कीको सिफारिसमा राष्ट्रपति रामचन्द्र पौडेलले उनलाई आजै नियुक्त गरेका हुन् ।
राष्ट्रपति पौडेलका प्रेस सल्लाहकार किरण पोखरेलले यसको पुष्टि गरेका छन् । यसअघि आजै महान्यायाधिवक्ता रमेश बडालले दिएको राजीनामा राष्ट्रपति पौडेलले स्वीकृत गरेका थिए । यो नियुक्तिसँगै नेपालको कानुनी इतिहासमा नयाँ अध्याय सुरु भएको छ, जहाँ पहिलो पटक एक महिलाले महान्यायाधिवक्ताको जिम्मेवारी सम्हालेकी छिन् ।
