कपिलवस्तु । कपिलवस्तुको शिवराज नगरपालिका– १० लालपुरमा ब्युटिपार्लर तालिम सुरु भएको छ । उद्घाटन कार्यक्रमलाई सम्बोधन गर्दै वडा नम्बर ७ की वडाअध्यक्ष मन्जु मिश्राले तालिममा सिकेको सिपलाई व्यवहार लागु गर्नुपर्ने र सिप उपयोग गर्दै आयआर्जनमा जोडिन सकेमा मात्र तालिमको उपलब्धी हुने बताईन्।
उनले महिलाहरुलाई व्यवसायीक रुपमा अघि वढाउन आफुले भरपुर सहयोग गर्ने भन्दै महिला सशक्तिकरण तथा क्षमता अभिवृद्धिका लागि वडाबाट विभिन्न कार्यक्रम, सिपमूलक तालिमहरु सञ्चालन गर्ने बताईन् ।
कार्यक्रममा युवा नेता रबि दत्त मिश्राले तालिमलाई सही रुपमा उपयोग गर्न सके महिलाहरु आत्मनिर्भर बन्न तालिम महत्वपूर्ण साबित हुने बताए। बेरोजगारीको समस्याले दिनहु विदेशिने तथा स्वरोजगार बन्न व्युटी पार्लर तालिम महिलाहरुको लागि उपयोगी हुने बताए । २० जनाको सहभागिता रहेको तालिम ४५ दिन सम्म चल्ने वडा कार्यालयले जनाएको छ।
