मर्चवार । रुपन्देहीको कोटहीमाई गाउँपालिकामा संविधान दिवसको अवसरमा वक्तृत्वकला प्रतियोगिता सम्पन्न भएको छ । पालिका भित्र रहेका सामुदायिक विद्यालयका माध्यमिक स्तरबाट अन्तर विद्यालय स्तरीय प्रतियोगता बुधाबार सम्पन्न भएको हो ।
‘संविधान र समावेशिता’ विषयक भएको उक्त प्रतियोगतामा सहभागी पालिका भित्रका ७ वटा विद्यालयबाट १४ जना विद्यार्थीहरु मध्ये १३ जनालाई पछि पार्दै श्री बोगडी माध्यमिक विद्यालयबाट कक्षा ९ का विद्यार्थी अरुन यादवले प्रथम स्थान हासिल गरेको प्रतियोगिताको मुल्यांकन समिति संयोजक जगदिश्वर यादवले बताए ।
यसैगरी उक्त प्रतियोगितामा श्री लालविहारी माध्यमिक विद्यालय की विद्यार्थी रिया कुमारी नाउले दित्तीय, श्री बोगडी माध्यमिक विद्यालय कि विद्यार्थी लक्ष्मी प्रजापति तृतीय र श्री मर्यादपुर माध्यमिक विद्यालयका विद्यार्थी नारायण यादवले सान्तोना पुरस्कार हासिल गरेको मुल्यांक समितिका संयोजक यादवले जानकारी दिएका छन् ।
बिजेताहरुलाई पुरस्कार वितारण गर्दै कोटहीमाई गाउँपालिका अध्यक्ष बालकृष्ण त्रिपाठीले प्रतियोगिताले विद्यार्थी सकारात्मक क्षमताको विकास हुनुको साथै समाजिक ज्ञान पनि दिनेगरेको बताए । उनले भने ‘प्रतियोगितामा बिजेता भएका विद्यार्थीहरु उत्कृष्ट रहेका छन् । यस प्रतियोगितामा सहभागी अन्य विद्यार्थीहरु अगाडी बढने अवसरको रुपमा लिनु पर्दछ ।
सहभागी भएका सम्पूर्ण विद्यार्थीहरु निरन्तर सकारात्मक प्रयास जारी राख्नुपर्ने छ । ’ विद्यालय स्तर मै शैक्षिक सकारात्मक प्रतिस्पर्धाको भावना हुनु पर्ने अध्यक्ष त्रिपाठीले बताए । बिजेता विद्यार्थी तथा विद्यालयलाई प्रमाण पत्र वितरण गर्दै बिजेता विद्यार्थीहरुलाई बधाई साथै सहभागी सबैलाई धन्यवाद ब्यक्त गरेका थिए ।
कार्यक्रममा कोटहीमाई गाउँपलिकाका प्रमुख प्रशासकीय अधिकृत दिनेश कुमार गौड, गाउँपालिका उपाध्यक्ष शसिला कुमारी यादव, कोटहीमाई ५ का वडाध्यक्ष संजय कुमार सैनी लगायतकाले मनतब्य राखेका थिए । कार्यक्रम गाउँपलिका अध्यक्ष बालकृष्ण त्रिपाठीको अध्यक्षता र वास संयोजक अजय सिंह क्षेत्रीको संचालनमा सम्पन्न भएको थियो ।
