बैतडी । बैतडीको पाटनमा शनिबार बिहान जीप दुर्घटना हुँदा चालकसहित दुई जनाको मृत्यु भएको छ भने ६ जना घाइते भएका छन्। धनगढीबाट दार्चुलातर्फ जाँदै गरेको सुपप्र ०४ ००१ ज १३७२ नम्बरको जीप पाटन नगरपालिका–६ खिपालीमा सडकबाट करिब १०० मिटर तल खसेको थियो।
जिल्ला प्रहरी कार्यालय बैतडीका अनुसार दुर्घटनामा डिलासैनी गाउँपालिका–१ का चालक २४ वर्षीय सन्तोषबहादुर राना र ३२ वर्षीय किरण बोहराको घटनास्थलमै मृत्यु भएको हो। घाइते ६ जनामध्ये गम्भीर अवस्थामा रहेका दुई जनालाई थप उपचारका लागि धनगढी पठाइएको छ। दुर्घटनाको कारणबारे प्रहरीले अनुसन्धान गरिरहेको जनाएको छ।
