भैरहवा । रुपन्देही जिल्लाको सिद्धार्थनगर नगरपालिका वडा नम्बर १२ मा नगर स्तरिय स्नुकर प्रतियोगिता सुरु भएको छ । मनकामना स्नुकर हाउसको आयोजनामा कार्तिक १० गते देखि प्रतियोगिता चलिरहेको छ ।
उद्घाटन सत्रमा बोल्दै कार्यक्रमका प्रमुख अतिथि दिपु शाहीले स्नुकर खेलले अन्तर्राष्ट्रिय स्तरमा समेत देशलाई चिनाउने संभावना भएको कारणले गर्दा, यस्ता कार्यक्रमको महत्व रहेको बताए ।
कार्यक्रममा बोल्दै कार्यक्रमका अध्यक्ष रुपन्देही पुल तथा स्नुकर संघका अध्यक्ष सुजन पुनले व्यवसायिक रूपमा स्नुकरलाई अघि बढाउनु पर्ने कुरामा जोड दिए ।
कार्यक्रममा बोल्दै विशिष्ट अतिथि सिद्धार्थनगर नगरपालिका वडा नम्बर १३ का वडा अध्यक्ष सोम बहादुर गुरुङ्गले आयोजक समितिले गरेको काम अत्यन्तै सहराहनिय भएको बताउँदै, आगामी दिनमा सहयोग गर्ने प्रतिवद्धता व्यक्त गरे ।
प्रथम पुरस्कार ५० हजार, द्वितीय पुरस्कार ३० हजार, हाई स्कोररलाई १० हजार र राईजिङ प्लेयरलाई ५ हजार नगर र पुरस्कार प्रदान गरिने आयोजक वासु प्रधानले जानकारी दिए । कार्तिक १० गते बाट सुरू भएको कार्यक्रममा करीब १ हप्ताको हुने उनले बताए । प्रतियोगितामा ६३ जनाको सहभागिता रहेको छ ।
