परासी।नवलपरासीको रामग्राम नगरपालिका–२ बाइपास नजिकै हुलाकी सडक खण्डमा भारतीय कन्टेनरले मोटरसाइकललाई ठक्कर दिँदा एक जनाको मृत्यु भएको छ । बाइपासबाट सेतोपुलतर्फ जाँदै गरेको भारतीय कन्टेनरले विपरीत दिशाबाट आउँदै गरेको मोटरसाइकललाई ठक्कर दिँदा रुपन्देहीको रोहिणी गाउँपालिका–३ का ५० वर्षीय कलेश चौधरीको ज्यान गएको हो ।
दुर्घटनामा गम्भीर घाइते भएका चौधरीको जिल्ला अस्पताल परासीमा उपचारका क्रममा मृत्यु भएको प्रहरीले जनाएको छ । प्रहरीले दुर्घटनामा संलग्न दुवै सवारी साधन र कन्टेनर चालक भारत राजस्थानका ३० वर्षीय सकिल साहलाई नियन्त्रणमा लिई घटनाबारे थप अनुसन्धान गरिरहेको छ ।
