भैरहवा । लुम्बिनी निर्माण ब्यवसायी संघको आशन्न अधिवेशनको लागि निर्माण ब्यवसायी प्रयास खड्काको नेतृत्वमा स्वतन्त्र प्यानल घोषणा भएको छ ।
बिहिबार भैरहवामा एक कार्यक्रमको आयोजना गरि प्यानल घोषणा गरेको हो । स्वतन्त्र प्यानलको प्रथम उपाध्यक्षमा डण्डपाणी पाण्डे, द्वितीय उपाध्यक्षमा रामरतन गुप्ता, महासचिवमा प्रीतम रौनियार, कोषाध्यक्षमा रोशन खनाल, सचिव महेश कुमार दुबे र सह-कोषाध्यक्षमा पवन मिश्रले उम्मेदवारी घोषणा गरेका छन ।
लुम्बिनी निर्माण ब्यवसायी संघको १३औ अधिवेशन यहि शनिवार हुदैछ । लामो समय देखि निर्माण पेशामा लागेकाहरुको समावेशी प्यानल भएको कारण बिशेश गरि साना निर्माण ब्यव्क्सायीको समस्या समाधान गर्ने गरि अगाडी बढ्ने अध्यक्ष पदका उम्मेदवार प्रयास खड्काले बताए । उनले आफ्नो अनुभवले निर्माण ब्यवसायीको समस्या समाधान तथा उनिहरुको ब्यवसायीक हकहितमा लाग्ने प्रतिवद्द्ता जनाए ।
घोषणा सभामा बोल्दै संघका पूर्व अध्यक्ष बलराम शर्माले स्वतन्त्र प्यानल अनुभवले खारिएका जुझारु युवाहरुको प्यानल रहेकोले सबै निर्माण ब्यवसायीलाइ स्वतन्त्र प्यानललाइ मत दिन आग्रह गरे ।
